November 18, 2026

සරම්ප තුරන් කළ රටක 2023 මැයි මාසයේ සිට යලි වසංගතය පැතීර යැම පටන් අරන්! බන්ධනාගාරවල සරම්ප පැතිරෙයි!රැඳවියන්ගේ අධිකරණ ඉදිරිපත් කිරීම් අත්හිටුවයි!

0
Measles Spread Reported in Prisons

'AKD ආණ්ඩුව'

සම්පූර්ණ කාලයම හිටියොත් 

ලෝක සෞඛ්‍ය සංවිධානය 2019දී ශ්‍රී ලංකාව සරම්ප තුරන් කළ රටක් ලෙස සහතික කළේය. එහෙත් 2023 මැයි මාසයේ කොළඹින් ආරම්භ වූ සරම්ප පැතිරීම පසුව වෙනත් දිස්ත්‍රික්කවලටද ව්‍යාප්ත වු බව වසංගත රෝග විද්‍යා අංශය සඳහන් කර තිබිණි.

වසංගත රෝග| විමර්ෂණ වාර්තාව| 2026 නොවැම්බර් 09

ලෝක සෞඛ්‍ය සංවිධානය 2019 ජූලි 9 වැනිදා ශ්‍රී ලංකාව සරම්ප තුරන් කළ රටක් බව නිල වශයෙන් ප්‍රකාශ කළේය. ඒ, ස්වාධීන විශේෂඥ තහවුරු කිරීමේ කමිටුවක් මෙරට රෝග දත්ත සහ පාලන වැඩසටහන් සවිස්තරව ඇගයීමෙන් පසුවය.

රැඳවියන් අතර සරම්ප රෝගය තහවුරු වීම හේතුවෙන් කොළඹ රිමාන්ඩ්, මැගසින් සහ වැලිකඩ බන්ධනාගාරවල රැඳවියන් අධිකරණ වෙත ඉදිරිපත් කිරීම තාවකාලිකව අත්හිටුවා ඇති බව බන්ධනාගාර දෙපාර්තමේන්තුව පවසයි.බන්ධනාගාර කොමසාරිස් සහ මාධ්‍ය ප්‍රකාශක සේනක පල්ලෙතැන්න මහතා සඳහන් කළේ සඳුදා දිනයේ එම බන්ධනාගාර තුනෙන් කිසිදු රැඳවියකු අධිකරණ වෙත ඉදිරිපත් නොකළ බවයි. මෙම තීරණය සම්බන්ධයෙන් අදාළ අධිකරණවලට ලිඛිතව දැනුම් දී ඇති බවද ඔහු පැවසීය.

ආසාදිත රැඳවියන්ගේ නිශ්චිත සංඛ්‍යාව හෝ අධිකරණ වෙත ගෙන ඒම යළි ආරම්භ කරන දිනයක් අනාවරණය කර නොමැත.

ඒ අනුව කොළඹ මහාධිකරණය, කොළඹ ප්‍රධාන මහෙස්ත්‍රාත් අධිකරණය සහ කොටුව මහෙස්ත්‍රාත් අධිකරණය හමුවට එම බන්ධනාගාරවල රැඳවියන් ගෙන ඒම සිදු නොවීය.පසුගිය දින කිහිපය තුළ මැගසින් සහ වැලිකඩ බන්ධනාගාරවල රැඳවියන් කිහිපදෙනකුට සරම්ප ආසාදනය වී ඇති බව තහවුරු වූ බව පල්ලෙතැන්න මහතා ප්‍රකාශ කළේය. අනෙකුත් රැඳවියන් අතරද රෝගය වේගයෙන් පැතිර යා හැකි බැවින් මෙම පියවර ගෙන තිබේ.

නාමල්-චාමර ඇතුළු දේශපාලඥයන් රැසක් දාලා ඉන්න කොළඹ බන්ධනාගාර 3ක සරම්ප බෝවෙන්න පටන් අරන්! අද කාවවත් උසාවියට අරන් ඇවිල්ලත් නෑ!

බන්ධනාගාර තුළ එන්නත්කරණ වැඩසටහනක් ආරම්භ කර ඇති අතර, රැඳවියන් අධිකරණ වෙත ඉදිරිපත් කිරීම හැකි ඉක්මනින් යළි ආරම්භ කිරීමට කටයුතු කරන බවද ඔහු සඳහන් කළේය. කෙසේ වෙතත්, ආසාදිත රැඳවියන්ගේ නිශ්චිත සංඛ්‍යාව හෝ අධිකරණ වෙත ගෙන ඒම යළි ආරම්භ කරන දිනයක් අනාවරණය කර නොමැත.

සරම්ප වාතය හරහා පැතිරෙන ඉතා ඉහළ බෝවන හැකියාවක් සහිත රෝගයකි. තදබදයෙන් යුත් සංවෘත ස්ථානවල රෝගය පාලනය කිරීම වඩාත් අසීරු විය හැකිය. මැගසින් බන්ධනාගාරය පිහිටි පරිශ්‍රයට යාබදව පිහිටි වැලිකඩ, මෙරට විශාලතම බන්ධනාගාරය වේ.

මෙරට බන්ධනාගාර පද්ධතිය මීට පෙරද බෝවන රෝග පැතිරීම හේතුවෙන් බරපතළ අර්බුදවලට මුහුණ දී තිබේ. කොවිඩ් වසංගත සමයේ වැලිකඩ බන්ධනාගාරයෙන් පළමු ආසාදිතයා හඳුනාගනු ලැබුවේ 2020 ජූලි 7 වැනිදාය. සපයා ඇති වාර්තාවට අනුව, 2021 ජනවාරි අග වන විට බන්ධනාගාර ආශ්‍රිත කොවිඩ් පොකුරෙන් ආසාදිතයන් 4,395 දෙනකු සහ මරණ නවයක් වාර්තා වී තිබිණි.

සරම්ප (Measles) යනු වෛරසයක් නිසා ඇතිවන, වාතය හරහා ඉතා පහසුවෙන් පැතිරෙන බෝවන රෝගයකි. ආසාදිතයකු කැස්ස හෝ කිවිසුම් යැවීමේදී රෝගය අනෙකුත් අයට පැතිරිය හැකිය.

ප්‍රධාන ලක්ෂණ වන්නේ උණ, කැස්ස, නාසයෙන් දියර ගැලීම, ඇස් රතුවීම සහ පසුව මුහුණෙන් ආරම්භ වී ශරීරය පුරා පැතිරෙන රතු පැල්ලම් සහිත දදයක් ඇතිවීමයි. ළමුන්ට මෙන්ම වැඩිහිටියන්ටද වැළඳිය හැකි අතර, ඇතැම්විට නියුමෝනියාව සහ මොළයේ ප්‍රදාහය වැනි බරපතළ සංකූලතා ඇති කළ හැකිය. එන්නත් මාත්‍රා දෙක ලබාගැනීම සරම්ප වැළැක්වීමේ ප්‍රධාන ආරක්ෂාවයි.

එවකට උපුටා දැක්වූ සංඛ්‍යාලේඛන අනුව, රැඳවියන් 2,000කට පහසුකම් සැලසූ වැලිකඩ බන්ධනාගාරයේ රැඳවියන් 4,500ක් පමණ රඳවා තිබිණි. එම පැරණි දත්ත බන්ධනාගාර තදබදය සහ බෝවන රෝග පාලනය අතර පවතින අභියෝගය පෙන්නුම් කරයි.

කොවිඩ් ආසාදන ඉහළ යෑම සම්බන්ධයෙන් 2020 නොවැම්බර් 29 වැනිදා මහර බන්ධනාගාරයේ ඇති වූ විරෝධතාව අතරතුර සිදුකළ වෙඩි තැබීම්වලින් රැඳවියන් 11 දෙනකු මියගොස් තවත් සියයකට අධික පිරිසක් තුවාල ලැබූහ. එම වෙඩි තැබීම්වලින් සිදු වූ මරණ අපරාධයක් බවට 2023දී මහෙස්ත්‍රාත් අධිකරණය තීරණය කළ බවද වාර්තාව සඳහන් කරයි.

ලෝක සෞඛ්‍ය සංවිධානය 2019දී ශ්‍රී ලංකාව සරම්ප තුරන් කළ රටක් ලෙස සහතික කළේය. එහෙත් 2023 මැයි මාසයේ කොළඹින් ආරම්භ වූ සරම්ප පැතිරීම පසුව වෙනත් දිස්ත්‍රික්කවලටද ව්‍යාප්ත විය. එම පැතිරීම 2025 මැයි වන විට බොහෝ දුරට පාලනය කර තිබූ බව වසංගත රෝග විද්‍යා අංශය සඳහන් කර තිබිණි.

මෙවර බන්ධනාගාර ආසාදන හමුවේ රෝගය පාලනය කිරීම මෙන්ම රැඳවියන්ගේ නඩු කටයුතු ප්‍රමාද වීම අවම කිරීමද බලධාරීන් හමුවේ පවතින ප්‍රධාන අභියෝග වේ.

“Elimination of measles is achieved when a country interrupts transmission of indigenous virus for three years.” යම් රටක් තුළ දේශීය සරම්ප වෛරස සම්ප්‍රේෂණය වසර තුනක් පුරා නතර කර තිබෙන විට, එම රට සරම්ප තුරන් කළ තත්ත්වයට ළඟා වූ බව සැලකේ.” මූලාශ්‍රය: ලෝක සෞඛ්‍ය සංවිධානය — 2019 ජූලි 9 නිවේදනය

Leave a Reply

Your email address will not be published. Required fields are marked *