වසර 39කට පසුව මිලේච්ඡත්වය යලි පැරදවීය යුතුව ඇත!
අදට හරියටම වසර 39කට පෙර, එනම් 1987 අගෝස්තු 18 වැනිදා, ජනතා විමුක්ති පෙරමුණ (ජවිපෙ) විසින් ශ්රී ලංකා පාර්ලිමේන්තුවට බෝම්බ ප්රහාරයක් එල්ල කරමින් මෙරට ප්රජාතන්ත්රවාදය සහ ව්යවස්ථාව රුධිරයෙන් විනාශ කර දැමීමට ම්ලේච්ඡ උත්සාහයක නිරත විය. එදා ලේ වැගිරීම් හරහා පාර්ලිමේන්තුව සහ ආණ්ඩුක්රම ව්යවස්ථාව විනාශ කිරීමට තැත් කළ ඔවුන්, මෑතකදී රට තුළ ඇති වූ ‘අරගලය’ සමයේදී ද ජනතාව උසිගන්වමින් පාර්ලිමේන්තුව වට කර එය මුළුමනින්ම ගිනි තබා විනාශ කර දැමීමට ප්රසිද්ධියේම කැඳවීම් කළහ.
එදා බෝම්බ වලින් සහ ප්රචණ්ඩත්වයෙන් කරගැනීමට නොහැකි වූ ඒ පාපිෂ්ඨ අරමුණ, අද වන විට ඔවුන් 22 වන ආණ්ඩුක්රම ව්යවස්ථා සංශෝධනය නැමැති මර උගුල හරහා ඉතා සූක්ෂම ලෙස හා නීත්යානුකූල මුහුණුවරකින් ඉටු කරගැනීමට මාන බලමින් සිටිති.
අගෝස්තු 18 යන දිනය ශ්රී ලංකා දේශපාලන ඉතිහාසයේ අඳුරු පිටුවක් ලෙස සටහන් වී ඇති අතර, වසර 39කට පෙර—1987 අගෝස්තු 18—ජනතා විමුක්ති පෙරමුණ විසින් පාර්ලිමේන්තුවට එල්ල කළ බෝම්බ ප්රහාරය අදටත් රටේ ප්රජාතන්ත්රවාදය හා ආණ්ඩුක්රම ව්යවස්ථාව පිළිබඳ සංවාදයේ මූලික සංකේතයක් ලෙස පවතී.
ප්රහාරයෙන් පසු එකී ප්රහාරයේ වගකීම භාර ගනිමින් දේශප්රේමි ජනතා ව්යාපාරය “ද්රෝහීනි අප තොපට බෝම්බ ගැසුවේ මේ නිසයි” යනුවෙන් පත්රිකාවක් නිකුත් කළේය. එමගින් ජේ.ආර්. ජයවර්ධන ජනාධිපතිවරයාට එරෙහිව චෝදනා ගණනාවක් ඉදිරිපත් කරනු ලැබීය. එම පත්රිකාව මගින් ජීවත්වීමට ආසා ඇති සියලුම මන්ත්රින්ට තම ආසන වලින් ඉල්ලා අස් වී තම වැරැදි පාපොච්චාරණය කළ යුතු බවත් ජේ.ආර්. ජයවර්ධන ජනාධිපතිවරයාට එරෙහිව නැඟී සිටිය යුතු බවත් ප්රකාශ වී තිබිණි.
අද, එම ඉතිහාසික සිදුවීමෙන් සම්පූර්ණ වසර 39ක් ගතවූ අවස්ථාවේ, රට තුළ පවතින නව ව්යවස්ථා සංශෝධන කතාබහ—විශේෂයෙන් 22 වන සංශෝධනය—නැවතත් අධිකරණ ස්වාධීනත්වය, නීතියේ ආධිපත්යය සහ ජනතා පරමාධිපත්යය පිළිබඳ දැවැන්ත විවාදයක් මතු කරයි..
අධිකරණය දේශපාලනික බලයට යටත් කිරීමේ අභියෝගය
22 වන සංශෝධනයට එරෙහිව නීතිමය, දේශපාලනික සහ සමාජීය පරිසරය තුළ දැවැන්ත විවේචන පළවෙමින් පවතී. විනිසුරුවරුන්ගේ විශ්රාම වයස දේශපාලන අවශ්යතා අනුව වෙනස් කිරීම, අධිකරණ පද්ධතිය දේශපාලන බලයට ආසන්න කිරීමේ උත්සාහයක් ලෙස විවේචකයන් පෙන්වති.
ශ්රී ලංකා නීතිඥ සංගමය, සිවිල් සංවිධාන, මහානායක ස්වාමීන් වහන්සේලා, සහ ජාත්යන්තර නීතිමය ආයතන කිහිපයක්—ඇතුළු එක්සත් ජාතීන්ගේ සංවිධානය සහ Commonwealth Lawyers Association—මෙම සංශෝධනයට දැඩි විරෝධය පළ කර ඇත. ඔවුන්ගේ මතය අනුව, අධිකරණයේ ස්වාධීනත්වය අඩු කිරීම රටේ ප්රජාතන්ත්රවාදය හා නීතියේ ආධිපත්යය සඳහා බරපතල අනතුරක්.
විශේෂයෙන්, ජාතික ජන බලවේගයේ නීතිඥයින්ගේ වර්තමාන හැසිරීම පිළිබඳ විවේචන බරපතලය. සමහරුන් ‘ජනවරමයේ නීතිඥයෝ’ වැනි නව නම් යටතේ පෙනී සිටීම, නීතිඥ සංගමය නායකත්වය දරන විරෝධතා අතර ඔවුන්ගේ නිශ්ශබ්දතාව, දේශපාලනික වගකීම් පිළිබඳ ප්රශ්න මතු කරයි.
එදා බෝම්බ ගසා අල්ලා ගැනිමට නොහැකි වු රාජ්ය බලය, රටේ බහුතරයකගේ aඅකැමැත්තෙන් ජනාධිපතිවු සහ ජනතාව මුලාකර පාර්ලිමේන්තුවේ බහුතරය අල්ලාගත් JVP මිනිමරුවන් අද 2026 අගෝස්තු 18 වැනිදා එනම් බෝම්බ ප්රහාරයෙන් වසර 39කට පසුව අධිකරණය ජෙපීකරණය කිරිමට සංශෝධනයක් ගෙන එන ලදි.දැන් යලි සටන ආරම්භ වි තිබේ.එදා මිලේච්ඡත්වයෙන්, තුවක්කුවෙන් රටේ ජනයා බයකරගනිමින් සිය බලය පැතිරවිමට ගත් උත්සහය එදා ජනතාව පරාජය කල පරිදිම අදත් ඒ සටන රටේ ජනයා ජයග්රහණය සදහා මෙහෙය විය යුතුය.
