කාවන්තිස්ස ඇතාගේ ඝාතනය පොහොට්ටුවට පැවරීමේ උත්සාහයට අධිකරණයෙන් ප්‍රශ්න වැලක්! අනුර–සජිත් දේශපාලන සම්බන්ධීකරණයක් පිළිබඳවත් බරපතළ චෝදනා! සුද්දාටත් වස් වැදිලා!
'AKD ආණ්ඩුව'
සම්පූර්ණ කාලයම හිටියොත්
ඥානසාර හිමියන් නිදහස් කරගැනීමේ අරගලය සහ සිංහල බෞද්ධ අනන්‍යතාව හා බුද්ධ ශාසනයේ ආරක්ෂාව වෙනුවෙන් ගොඩනැඟෙන විරෝධය දියාරු කිරීමට කාවන්තිස්ස හස්තියාගේ ඝාතනය දේශපාලන අවියක් කරගත්තේද? ආණ්ඩුව, විපක්ෂයේ ඇතැම් කණ්ඩායම් සහ සමාජ මාධ්‍ය ප්‍රචාරකයන්ගේ භූමිකාව ගැන විමර්ශනාත්මක ප්‍රශ්න රැසක්!
කාවන්තිස්ස හස්තියාගේ ඝාතනය සම්බන්ධයෙන් සිදුකෙරෙන විමර්ශන අතරතුර, එම සිද්ධිය ශ්‍රී ලංකා පොදුජන පෙරමුණට සම්බන්ධ කරමින් දේශපාලන ප්‍රචාරණයක් ගෙන යෑමට උත්සාහ කළ බවට එල්ල වන චෝදනා නව මුහුණුවරක් ගෙන තිබේ.
ඒ සමඟම ජනාධිපති අනුර කුමාර දිසානායක මහතා සහ විපක්ෂ නායක සජිත් ප්‍රේමදාස මහතා අතර මෙම සිද්ධිය සම්බන්ධයෙන් අන්‍යෝන්‍ය දේශපාලන අවබෝධයක් හෝ සම්බන්ධීකරණයක් පැවතියේද යන ප්‍රශ්නයද මතුව ඇත.
මෙහි වඩාත් ආන්දෝලනාත්මක චෝදනාව වන්නේ, කාවන්තිස්ස හස්තියාගේ මරණය පදනම් කරගෙන පූජ්‍ය ගලගොඩඅත්තේ ඥානසාර හිමියන් නිදහස් කරගැනීම සඳහා ක්‍රියාත්මක වන ව්‍යාපාරයෙන් මහජන අවධානය වෙනතකට යොමු කිරීමටත්, බුද්ධ ශාසනය සහ සිංහල බෞද්ධ අනන්‍යතාව ආරක්ෂා කිරීමේ අරගලය දුර්වල කිරීමටත් උත්සාහයක් පවතින බවට එල්ල වන චෝදනාවයි.
අධිකරණයේදී මතුවූ ප්‍රශ්න දේශපාලන ප්‍රචාරණයට අභියෝගයක්!
ඔක්තෝබර් 19 වැනිදා කාවන්තිස්ස හස්තියාට වෙඩි තැබීම සම්බන්ධයෙන් අත්අඩංගුවට ගත් රත්නායක මුදියන්සේලාගේ ලක්මාල් පද්මසිරි සහ ශාන්ත ධර්මසිරි රත්නායක යන සැකකරුවන් දෙදෙනා මහව මහේස්ත්‍රාත් අධිකරණයට ඉදිරිපත් කෙරිණි.
වලාන දූෂණ මර්දන අංශය විසින් අත්අඩංගුවට ගත් මෙම සැකකරුවන් වනජීවී නිලධාරීන් මාර්ගයෙන් අධිකරණයට ඉදිරිපත් කර තිබූ අතර, මහව මහේස්ත්‍රාත් අනුරාදා සෙනවිරත්න මහත්මිය ඔවුන් ඔක්තෝබර් 28 වැනිදා දක්වා රක්ෂිත බන්ධනාගාරගත කිරීමට නියෝග කළාය.එහිදී මතුවූ ප්‍රධාන ගැටලුව වූයේ සැකකරුවන් හස්තියාට වෙඩි තැබූ බවට පවතින නිශ්චිත සාක්ෂි මොනවාද යන්නයි.
වනජීවී නිලධාරීන් එක් සැකකරුවෙකු සතුව බලපත්‍ර සහිත ගිනිඅවියක් පැවති බවත්, බලපත්‍ර කොන්දේසි උල්ලංඝනය කරමින් එම අවිය භාවිත කර හස්තියාට වෙඩි තබා ඇති බවට සැක කරන බවත් අධිකරණයට දැනුම් දී තිබේ.
එහෙත් සැකකරු වෙනුවෙන් පෙනී සිටි නීතිඥ උදය රාජපක්ෂ මහතා එම චෝදනා ප්‍රතික්ෂේප කරමින්, අදාළ ගිනිඅවිය සහ හස්තියාගේ මරණය අතර සම්බන්ධතාව තහවුරු කරන විද්‍යාත්මක පරීක්ෂණයක් මෙතෙක් සිදුකර නොමැති බව පෙන්වා දුන්නේය. මහේස්ත්‍රාත්වරියද සැකකරුවන් අපරාධයට සම්බන්ධ බවට ඇති සාක්ෂි පිළිබඳ ප්‍රශ්න කර ඇති අතර, නිශ්චිත දින වකවානු, විද්‍යාත්මක සාක්ෂි සහ ඇසින් දුටු සාක්ෂිකරුවන් පිළිබඳ තොරතුරු මීළඟ නඩු වාරයේදී ඉදිරිපත් කරන ලෙස නියෝග කර තිබේ.
කාවන්තිස්සට වෙඩි තැබු බවට සැකපිට අත්අඩංගුවට ගත් පොහොට්ටුවෙ කෙනා වෙඩි තිබ්බ කියන්න සාක්ෂි නෑ! මහේස්ත්‍රාත්වරියගෙන් අවවාද!
කාවන්තිස්සගේ මරණය පොහොට්ටුවට එරෙහි දේශපාලන අවියක් කරගත්තේ කවුද?
කාවන්තිස්ස හස්තියාගේ මරණය ශ්‍රී ලංකා පොදුජන පෙරමුණේ සංවිධානාත්මක ක්‍රියාවක් බවට හුවා දැක්වීමේ උත්සාහයක් පැවති බවට චෝදනා එල්ල වේ.ආණ්ඩුවට හිතවාදී මාධ්‍ය ප්‍රකාශකයන්, විපක්ෂ නායකවරයාට සමීප බව කියන ඇතැම් කණ්ඩායම් සහ සමාජ මාධ්‍ය ප්‍රචාරකයන් මෙම සිද්ධිය දේශපාලන වශයෙන් භාවිත කළේද යන්න එහිදී විමසා බැලිය යුතුය.
එහෙත් සැකකරුවෙකුට කිසියම් දේශපාලන පක්ෂයක සාමාජිකත්වයක් තිබීම පමණක් එම පක්ෂය අපරාධයට සම්බන්ධ බවට සාක්ෂියක් නොවේ.එමෙන්ම සැකකරුවෙකු පක්ෂ සංවිධායකවරයෙකු බවට කරන ප්‍රකාශයක් සනාථ කිරීමටද නිල පත්කිරීම්, පක්ෂ වාර්තා හෝ වෙනත් විශ්වාසදායක සාක්ෂි අවශ්‍යය.එබැවින් අපරාධය සම්බන්ධයෙන් විමර්ශනයක් සිදුවන අතරතුර දේශපාලන පක්ෂයකට සාමූහික වගකීම පැවරීමට උත්සාහ කිරීම සාධාරණ නොවේ.
නමුත් ආණ්ඩුවේ සහ ප්‍රධාන විපක්ෂය මෙහිදි කලබලයට පත්විම සහ ඊට අදාළව කරුණු දැක්විම හේතුවෙන් මෙය යම් අරමුණක් වෙනුවෙන් දියත් වන බව පැහැදිලි වෙමින් තිබේ.
අධිකරණ ක්‍රියාවලියට පෙර සමාජ ජාලාවලට බොරු මුදාහල වාචාල සුද්ද?
කාවන්තිස්ස හස්තියාගේ ඝාතනය පිළිබඳ විමර්ශනයේ අරමුණ විය යුත්තේ හස්තියාට වෙඩි තැබූ පුද්ගලයන් හඳුනාගෙන නීතිය හමුවට ගෙන ඒමයි.ඒ වෙනුවට මෙම සිද්ධිය දේශපාලන පක්ෂයක් අපකීර්තියට පත්කිරීමට හෝ වෙනත් මහජන අරගලයක් දුර්වල කිරීමට යොදාගෙන තිබේ නම්, එය වෙනමම මහජන වගවීමක් අවශ්‍ය වන බරපතළ කාරණයකි.
ඥානසාර හිමියන්ගේ නිදහස වෙනුවෙන් ගොඩනැඟෙන අරගලය දියාරු කිරීමේ සැලැස්මක්ද?
කාවන්තිස්ස හස්තියාගේ මරණය පිළිබඳ දේශපාලන ආන්දෝලනය ඇතිවන්නේ පූජ්‍ය ගලගොඩඅත්තේ ඥානසාර හිමියන්ගේ නිදහස, බන්ධනාගාරගත භික්ෂූන්ගේ සිවුරු දැරීමේ අයිතිය සහ බුද්ධ ශාසනයේ ආරක්ෂාව සම්බන්ධයෙන් සමාජයේ දැඩි සංවාදයක් පවතින පසුබිමකය.
ඥානසාර හිමියන් නිදහස් කරන ලෙස ඉල්ලා පැවැත්වෙන විරෝධතා සහ භික්ෂූන් සම්බන්ධයෙන් රජය අනුගමනය කරන ප්‍රතිපත්ති පිළිබඳ විවේචන දේශපාලන වශයෙන් සංවේදී තත්ත්වයක් නිර්මාණය කර තිබේ.මෙම පසුබිම තුළ කාවන්තිස්ස හස්තියාගේ මරණය වෙනත් දේශපාලන පක්ෂයකට එරෙහිව ප්‍රචාරණය කිරීමෙන්, ඥානසාර හිමියන්ගේ නිදහස පිළිබඳ අරගලයට ලැබෙන මහජන සහ මාධ්‍ය අවධානය අඩු කිරීමේ අරමුණක් පැවතියේද යන්න විමර්ශනය කළ යුතු ප්‍රශ්නයකි.
විශේෂයෙන් සිංහල බෞද්ධ අනන්‍යතාව, ආණ්ඩුක්‍රම ව්‍යවස්ථාවේ බුද්ධාගමට හිමි ප්‍රමුඛස්ථානය සහ බුද්ධ ශාසනයේ ආරක්ෂාව පිළිබඳ ඉල්ලීම් දේශපාලන වශයෙන් ඉදිරියට පැමිණ ඇති අවස්ථාවක, වෙනත් ආන්දෝලනාත්මක සිද්ධියක් මහජන සංවාදයේ ප්‍රමුඛස්ථානයට පැමිණීමෙන් ඇතිවන බලපෑම විමසා බැලීම වැදගත්ය.
අනුර සහ සජිත් අතර දේශපාලන අවබෝධයක් තිබුණාද?
ජනාධිපති අනුර කුමාර දිසානායක මහතා සහ විපක්ෂ නායක සජිත් ප්‍රේමදාස මහතා දේශපාලන වශයෙන් ප්‍රතිවාදීන් වුවද, කාවන්තිස්ස සිද්ධිය සම්බන්ධයෙන් ඔවුන්ගේ පාර්ශ්වයන් අතර ප්‍රචාරක සම්බන්ධීකරණයක් පැවතියේද යන චෝදනාව විශේෂ අවධානයට ලක්විය යුතුය. ඒ සම්බන්ධයෙන් පුළුල් අනාවරණයක් බලාපොරොත්තු වන්න…
අවසානයේ පරාජය විය යුත්තේ දේශපාලන බොරුවයි!
කාවන්තිස්ස හස්තියාගේ මරණය පිළිබඳ අධිකරණ ක්‍රියාදාමය සහ ඥානසාර හිමියන්ගේ නිදහස වෙනුවෙන් පැවැත්වෙන අරගලය එකිනෙකට වෙනස් නීතිමය හා සමාජීය ප්‍රශ්න දෙකකි.එකක් භාවිත කර අනෙක යටපත් කිරීමේ උත්සාහයක් සිදුවී ඇත්නම්, එය මහජනතාවට හෙළිදරව් විය යුතුය.
එසේම කාවන්තිස්ස හස්තියාගේ මරණය පොහොට්ටුවට පැවරීමට උත්සාහ කළ පුද්ගලයන් සිටී නම්, ඔවුන්ගේ චෝදනාවල සාක්ෂිමය පදනමද ප්‍රසිද්ධියේ පරීක්ෂා කළ යුතුය.
කාවන්තිස්ස හස්තියාට යුක්තිය ඉටුකිරීමේ සටන දේශපාලන ප්‍රචාරක ව්‍යාපෘතියකට යට නොවිය යුතුය. එසේම බුද්ධ ශාසනයේ ආරක්ෂාව සහ ඥානසාර හිමියන්ගේ නීතිමය අයිතිවාසිකම් පිළිබඳ මහජන සංවාදයද වෙනත් සිද්ධියකින් යටපත් නොවිය යුතුය.
අධිකරණය හමුවේ සාක්ෂි ඉදිරිපත් කිරීමේ අවශ්‍යතාව මතුවීමෙන් දේශපාලන චෝදනාවලට බරපතළ අභියෝගයක් එල්ල වී තිබේ.එහෙත් සැබෑ දේශපාලන කුමන්ත්‍රණයක් පැවතියේද, එයට සම්බන්ධ වූයේ කවුරුන්ද, එහි අරමුණ කුමක්ද යන්න තීරණය කළ හැක්කේ තහවුරු කළ හැකි සාක්ෂි මත පමණි.
සැබෑ අපරාධකරුවන් ආරක්ෂා නොකළ යුතුය. නිර්දෝෂීන් දේශපාලන වශයෙන් දඩයම් නොකළ යුතුය. ජනතාවගේ ආගමික අයිතිවාසිකම් පිළිබඳ ඉල්ලීම් දේශපාලන ප්‍රචාරණයෙන් යටපත් නොකළ යුතුය.
