ඒකාධිපති අනුරට එරෙහිව මහජන කේන්ද්රය සටනට!
රට තුළ වර්ධනය වෙමින් පවතින ඒකාධිපති පාලන ප්රවණතාවන්ට සහ ප්රජාතන්ත්ර විරෝධී ක්රියාමාර්ගවලට එරෙහිව සියලුම සිවිල් සංවිධාන, ප්රජාතන්ත්රවාදී බලවේග සහ මහජනතාව එකාබද්ධ විය යුතු බව මහජන කේන්ද්රය අවධාරණය කරයි.
කොළඹදී පැවැති විශේෂ මාධ්ය හමුවක් අමතමින් මහජන කේන්ද්රයේ නියෝජිතයින් පෙන්වා දුන්නේ වත්මන් පාලන තන්ත්රයේ ක්රියාකලාපය හේතුවෙන් ජනතාවගේ මූලික අයිතිවාසිකම් සහ නීතියේ ආධිපත්යය දැඩි අභියෝගයකට ලක්ව ඇති බවයි.
ජනතාවගේ හඬ සහ අදහස් ප්රකාශ කිරීමේ නිදහස අහෝසි කිරීමට දරන උත්සාහයන් පරාජය කළ යුතු බවත්, රාජ්ය ආයතන සහ නීතිමය පද්ධතිය දේශපාලන අවශ්යතා මත හසුරුවමින් පවතින බවට චෝදනා කළ මහජන කේන්ද්රය, ඒවායේ ස්වාධීනත්වය සුරැකීමට වහා පියවර ගත යුතු බව සඳහන් කළේය.
ඒකාධිපති මගකට රට ගෙන යෑම වැළැක්වීම සඳහා පක්ෂ, පාට හෝ භේදයකින් තොරව ප්රජාතන්ත්රවාදයට ගරු කරන සියලු බලවේග එකම වේදිකාවකට පැමිණීමේ කාලය එළඹ ඇති බව මාධ්ය හමුවේදී වැඩිදුරටත් අවධාරණය කෙරිණි.
මහජන කේන්ද්රය වෙනුවෙන් පෙනී සිටි නියෝජිතයින් ප්රකාශ කළේ ඉදිරියේදීත් මහජන අයිතීන් සුරැකීම වෙනුවෙන් විවිධ ප්රජාතන්ත්රවාදී ක්රියාමාර්ග සහ දැනුවත් කිරීම් අඛණ්ඩව සිදු කරන බවයි.
